Ataque Escampe gosta de se definir coma rock de serie B porque partindo dunha instrumentación sinxela ofrece unha proposta musical que trata de ser sólida e autónoma, encadrable nunha traxectoria antivirtuosa prácticamente inédita na Galiza, na xenealoxía que se podería trazar desde Neil Young ata Violent Femmes pasando por Jonathan Richman, estendendo estraños tentáculos que rozasen, por exemplo, a Xil Ríos. O rock de serie B é un xeito de entender a música que abrangue un inxente abano de xéneros, dende o bolero ao punk, pasando polo vals, o tango, a canción popular galega, o country, o fox-trot, o rock ou a rumba. O funcionamento como grupo sen destacar autorías no seu interior, o emprego do galego como única lingua e a reciclaxe de músicas malditas completan a filosofía dunha banda que practica o "do it yourself" máis brutal, poético e desvergonzado que poida caber nun formato maioritariamente acústico.


Sabado 25 de Abril

Hora: 21:30

Bilhete: Incremento de 1€ em consumizom durante o concerto

http://www.myspace.com/ataquescampe